Ritme en orde

Ritme en orde 7/07/2022

Ritme en veral orde is ‘n baie belangrike deel van my leefwyse. Nadat ‘n  mens amper ‘n half eeu skool gehou het en met kinders gewerk het kan mens nie sonder ‘n mate van orde regkom nie.

My ritme en orde het van Desember 2021 tot op hede  Julie 2022 in duie gestort.

Dit het nie net my leefwyse omgekrap nie maar ook my gesondheid geestelik sowel as liggaamlik aangetas.

Van Desember af was dit in die pen dat my kinders die huis waarin ek amper drie jaar gebly het gaan verkoop. Hul het my bly aanmoedig om te begin inpak. Wat ek ook begin het. 

‘n Groot geestelike terugslag was dat Trompie se gesondheid vinnig agteruit gegaan het. Net voor nuwe jaar het ek die besluit geneem om hom uit sy pyn te verlos. My hart was oneindig seer. Ek mis hom nog steeds.

In die tussentyd pak ek toe maar soos wat ek kan. Die aankondiging kom dat die huis in die mark gesit gaan word. Gelukkig was baie goed reeds ingepak. Ons het ‘n  stoorplek gekry en my seun het stelselmatig my goed weggery. Ek raak toe ontslae van heel wat los goed. Die huis is toe opgetof en in die mark gesit. As ek so onthou dink ek daar was drie of vier ‘open homes’ waarna die huis toe verkoop is. Toe begin die werklik groot trek. In twee weke se tyd is die hele huis leeg en reg vir nuwe eienaar. 

Leë huis

My nodige klere is sommer in swart sak gepak, en my houer met kunsgoed is opgelaai en ek betrek Beatrix se slaapkamer. Daar het ek toe sommer dadelik ‘n maag virus en die naweek later toets Beatrix positief vir Covid. Ons almal is toe in afsondering/ ingeperk. Paar dae later is twee ouers ook positief en moes ons langer in kwarantyn bly. Ek is nooit getoets nie. Daar is maar aangeneem dat ek oké is omdat ek nie regtig sleg gevoel het nie. Bietjie krapperige keel aan en af. Niks ernstigs nie. My sewe dae van inperkings is verby en ek mag uitgaan mits ek toets of ek negatief is. Nou ja, daar “strike die pawpaw die fan”; ek toets toe positief. Nog ‘n ekstra week van afsondering. Was eintlik ‘n nagmerrie om so uit my daaglikse ritme en orde te kom in chaos.

Verder word die eenheid waarvan ek die deposito betaal het ook verkoop. Toe kom die trek plaas toe. My kinders en kleinkinders het eers plaas toe getrek. Ek het nog ‘n paar weke in huis aangebly met honde totdat die tuin honddig gemaak is.

Die eerste aand toe ek in my plaas kamer wou slaap het ek mag virus opgetel. Ek ry die aand terug na die ou huis omdat ek naby die badkamer moes wees. Met dit alles het ek nog ‘n week eers aangebly in ou huis. Uiteindelik kon ek toe my goedjies uitpak en my kamer leefbaar maak( dit was nou vier weke gelede)

Ek hou duime vas dat my ritme en orde nou weer kan terugkeer na (my) normaal. In die tussentyd het al die trekkery en drama sy tol begin eis. Al die spanning en veranderinge het my lighoofdig gemaak en my pols het heeltemaal te vinnig geklop. Op hierdie stadium sien ek nou ‘health improvement practitioner’ wat die verpleegster aanbeveel het wat my deeglik ondersoek het. Dis onmootlik om binne drie tot vier weke ‘n dr afspraak te kry, dis hoekom my dr aanbeveel het dat ek verpleegster sien as daar nie ‘n dr beskikbaar is nie. Ek moes aanlyn vir my dr ‘n skrywe rig om hom te verduidelik hoe ek voel. Gelukkig het hy dadelik die middag geantwoord en aanbevelings gemaak.

Dit dan so ‘n klein kykie in my onordelike en ritmelose paar maande. 

Dis wat ek sien as ek in my lazyboy sit en by venster uitkyk in my kamer. Alles nou winter kaal.

Deur scrapydo2.wordpress.com

Retired teacher interested in anything crafty: Scrap booking, card making, quilting, knitting etc. Everything about animals especially DOGS

56 comments

  1. Ek is so bly oor hierdie skrywe, want nou weet ek darem hoe dit met jou gaan. Gelukkig is jy ‘n verstandige mens, wat weer jou balans sal vind. Die uitsig deur jou venster is pragtig, winter ofte not!

    Like

  2. Sulke onsekerheid wat gepaard gaan met ñ trek en dan boonop covid! Dit sal menigte van ons omgooi, Ineke. Jy sal jou balans binnekort terugvind, wees sag op jouself. Die jongeres kry hierdie makliker reg so jy het al my simpatie. Mag jou nuwe blyplek vir jou vrede en rustigheid bring.

    Like

    1. Daardie sagwees op myself is op oomblik steeds onmoontlik. Daar is steeds baie versperrings wat dit onmoontlik maak om myself te laat ontspan en tot rus te kom. Ek gaan vir terapie om myself weer rigting te laat kry. Alleen kan ek nie meer verder nie.

      Liked by 1 person

  3. Trekkery is senutergend en Trompie se leemte kan nie vevul word nie, en dan nog gesondheids issues…. sterkte Scrapy! Ek is bly jy doen iets aan die saak en sien die terapeute. Kom kuier op Rebus!

    Liked by 1 person

      1. Koekstruif wat nie te soet is nie. Ek gaan binnekort probeer wegkom Rebusfontein toe. Moet eers ‘n paspoort kry want my SA paspoort het verval(wat ook een van my probleme is) Elon se laaste vuurpyl het uitgebrand. Hy is nou eers besig om ander dinge uit te dink. Sal nog plan maak.

        Liked by 1 person

        1. En dan jan ons solank aan ‘n manier dink om Scrapy vinnig en maklik op Rhebusfontein te kry. Wat van ‘n lugballon? Of ‘n groot voël? Of ‘n duikboot? Dan hoef sy glad nie eers deur doeanes te sukkel nie.

          Like

  4. Ai man, sit soveel as jy kan in daardie lazyboy en bekyk daardie bome en bloue lug en hou vas aan die God daarbo in daardie bloue lug. Jy het dit omtrent in triplikaat maal 2 of 3 getref. Dit kan nou net beter gaan. Werk sagkens met jouself en alle sterkte vir ‘n flatervrye probleemlose toekoms.

    Like

  5. Bly geplant op daardie lazyboy en wees goed vir jouself. Met al die holderstebolder goete en ‘n lyf wat voos is… kan ek glo jou gees het ook cuddling nodig. Hoop alles val weer gou in ritme, tot dan… geniet jou lazyboy vir die lazygirl.

    Like

  6. Liefste Scrapy. Ek is so jammer oor al die wanorde wat sommer so ongevraagd in jou lewe gekom het. Ek hoop die ou siektes los jou sommer gou en dat jy weer jou ou self sal wees.

    Like

  7. Sjoe Scrapy, so ‘n omwenteling kan ‘n mens laat voel dat jy heeltemal beheer oor jou eie lewe verloor. Jy sal moet sterk staan en jou eie lewe uitgrawe in die nuwe omgewing – dis lekker om kinders en kleinkinders rondom jou te hê, maar dis noodsaaklik om ook jou eie privaatheid en roetine te hê. Sterkte met alles en ek hoop jy voel gou beter.

    Like

  8. En nog ‘n drukkie hier van my kant af, al die mense se raad is goed maar tot mens self dit begin doen help dit niks. Ek lees by iemand van daai swart hond en ek dink ons het dit almal so nou en dan. Moeilik om die vreksel te herken en dan nog moeiliker om van hom ontslae te raak. Sterkte

    Like

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

%d bloggers like this: