Lekkervurig bied hierdie week se woordwarrel aan. Sy is een wat met woorde kan toor en goël. Gaan lees gerus hier https://lekkervurigeaffere.blog/2021/10/21/woordwarrel-donderdag-inspirasievonk-21-oktober-2021/ wat sy aanbied en lees sommer hoe die woordwarrel werk (lekker praat die w’s met my; woordwarrel werk werklik.)
-ismes
Woorde wat op -isme/s eindig het my verstom laat staan omdat daar so baie kan wees.
Ek is besig om Antoinette Pienaar se Die lang man sonder skaduwee te lees. Wat ‘n fees. Nie net al die rate en raaisels nie maar die taal waarin Antoinette skryf is só pragtig. Afrikaans op sy beste volgens my beskeie mening. Ek kan nie ophou lees nie. Altyd nog ‘n stukkie verder al is ek so vaak dat my oë wil toeval.
Kindle het mos nie regtig bl nommers nie(of te wel ek gebruik nie bl no nie). So ek kan nie na bl 30 blaai en tweede paragraaf eerste sin sommer vind nie. Gelukkig het ek Kruidjie roer my van Antoinette saamgebring toe ek NZ toe gekom het in 2009. Haal hom van die rak, blaai na bl 30 en die tweede paragraaf se eerste sin gaan as volg:
Een jakkals het ons van Januarie tot Oktober agter hom aan laat loop voordat ons hom een oggend vroeg met sy voet in ‘n slagyster gekry het.
Toe gebeur die beste van alles. Ek is mos gedurig besig om op te lees oor hoe mens ‘n memoir skryf en hoe om die skryfwerk in te kleur met mooi woorde en uitdrukkings sodat die storie aantreklik is om te lees. Wraggies, die eerste stuk wat ek toe op af kom gaan oor kunsisme(artivisme*). Daar het jy dit nou. Ons skrywery in Afrikaans is kuns uit die boonste rakke. Ons baklei vir goeie Afrikaans. Wil jy nou meer?
Om terug te kom na Antoinette se boek. Dis die mooiste Afrikaans wat sy gebruik. Dis mos nou wat ek kunsisme uit die boonste rakke noem.
*There is a chapter on artivism in the book It’s Bigger Than Hip Hop by M. K. Asante. Asante writes of the artivist:
The artivist (artist + activist) uses her artistic talents to fight and struggle against injustice and oppression—by any medium necessary. The artivist merges commitment to freedom and justice with the pen, the lens, the brush, the voice, the body, and the imagination. The artivist knows that to make an observation is to have an obligation.
Kreukels en plooie 
Laat ‘n boodskap