Die Goue Vroue is ñ groep vindingryke dames wat wonderlike avonture saam beleef in die kuberruim. Kliek op die volgende skakel as jy lus is om te loer wat ons hierdie keer aanvang…
https://fresh.inlinkz.com/party/dd0d1dc46eb64ccf9ede0f8f19d43711
Deel 2
Dis middernag en volmaaan.
Kommandoor Jan, het goedgunstiglik die eetkamer van die fort laat inrig as slaapplek vir die Goue Vroue. Daars geen plek vir die spreekwoordelik muis nie. Die matrassies en komberse lê ingeryg soos sardientjies. By elke koppenend is ‘n valie vol klere van elke vrou. Ongelukkig kan daar net een deftige rok met al sy onderrokke in pas en ‘n gewone elke dag se rok. Ondergoedjies en lekkerruik goedjies het ook ‘n plekkie. Afhangende van elke vrou se geaardheid is daar netjies gepakte valies en dan ook die waaruit alles peul. Die vroue sit in ‘n kringetjie en gesels suitjies verder om nie hul planne weg te gee nie.
Kameel se bene rittel en bewe van opwinding om more by Hendrik Boom uit te kom.
Kameel fluister: “Weet julle, die Hendrik Boom het ‘n sjarmante seun wie se aandag ek reeds getrek het. Hy gaan more vir my na sy pa se huis vat om die blyplekkie vir my te wys. Het een van julle dalkies die verdowingssproei ingepak?”
“Jaaa,” kom dit opgewonde van Trommeltjie.
‘n Eensame hoe-hoe, hoe-hoe, kom op die windjie aangesweef. Soos een vrou is almal onder hul komberse. Swiep, vladder zoei kom van die oop venster af. Ek wat Scrapy is kliek dadelik wat dit is. Gryp my bloomer en skep die vlêrmuis netjies op in sy vlug en smyt hom bloomer en al by die venster uit. “Genade vroue, in vervolg moet ons liewer die vensters snags toe hou!”
Die sonnetjie loer skelmpies oor die laning bome. Die Vroue rek en strek. Van Hunks en die duiwel is besig om lustig te sit en rook vanoggend op Tafelberg. 
“Ek hoop nie die duiwel sit vir van Hunks ore aan oor ons planne nie,” mompel Seegogga.( so tussen hakies sien ek dat Nelson Mandela ‘n boekie geskryf het oor van Hunks en die duiwel)
Kameel maak reg om haar flikkers te gooi. Sy kan self vertel hoe dit gegaan het om die donderbus in die hande te kry https://en.wikipedia.org/wiki/Blunderbuss
Die baan is oop sodat die poppe kan begin dans. Lolla sal jy asseblief aangaan.
Kreukels en plooie 
Laat ‘n boodskap