Nog ‘n week het verby gevlieg en hier hang ons alweer die wasgoed op om droog te word. Dit was maar weer ‘n bedrywige week gewees.
Alles op hierdie blad draai om Afrikaans. As jy lus voel kan jy gerus ‘n stukkie skryf en vertel wat alles teen jou yskas of op jou yskas is.
Appeltjie het die voorstel gemaak.
As jy so voel kan jy gerus jou skakel in my kommentaar plak of ‘n ping-terug stuur sodat ander lesers ook kan lees wat alles op jou yskas is.
Lekker skryf en geniet dit gate uit.
Die volgende ouens het weer lekker saam geskryf. BAIE, BAIE DANKIE
Kameel was weer op haar pos met alles om haar
Kameel – Wat ek sien en hoor
Appeltjie het geskryf en nie haar skakel ingesit nie. Ek moes eers goudeur haar anale blaai want ek weet sy het geskryf.
Maandag=Wasdag36: Hoor en sien
Frannie het nog n stuk oor kinders geskryf. Word waardeer Frannie en ekstra dankie.
Maandag=Wasdag 35: Kind
Teen/bo-op my yskas
Dit is beslis ‘n uitdaging waaraan ek nooit gedink het nie. Ek gaan kyk toe wat ek alles daar het. Mmmm, interessant. Daar is eeue oue opplaksels. Sommiges het hul eie magnete en klou lekker vas terwyl ander met ‘n magnetiese strokie vasgehou word.
Links teen die deur is ‘n paar hollandse klompies wat my suster in 2006 gebring het van Holland af. Die klompies hou die haarkapper se kaartjie vas. Onder die kaartjie is ‘n magneet wat “Voel jy alleen” onderstebo adverteer en hou my bure se telefoon nommers vas.
Heel onder word, “Hoe om jou slaai in te pak” in ‘n spesiale houer wat dit vars hou vasgehou deur twee ronde magnete.
Regs is eers die yskas se ster gebruiksaanwysings. Nogal vier sterre. Langs sterre is Veearts se inligtingskaartjie.
Daar is Chris Hipkins, ons MP, se Labour rooi kaart met al die noodnommers op(Hierdie een is ook al stok-oud, weet nie eers of die nommers nog werk nie)
‘n Magneet met drie schnauzers op hou my gehoor vrou se kaartjie vas.
Daar is ‘n wasmasjien dienskaartjie.
Loodgieter kaartjie, sal hom nie gebruik nie want hy is te duur maar in geval van nood sal dit help. Dan laaste een is die apteek se tel no kaartjie.
Aan die een sykant van my yskas is twee notaboekies wat ek gereeld gebruik om my aankope of my onthou goed neerskryf. Ek gebruik die nota boekies veral as ek voorberei om huis te gaan oppas sodat ek nie iets vergeet nie.
Dan bo-op my yskas is daar:
Slaklokaas wat ek nog nie oopgemaak het nie.
Botteltjie OFF wat gebruik word om aan te spuit vir muskiete en veral ook sandvlieë(nie vlooie nie want die goedjies het vlerke en n skêrp suigbek wat hou steek om bloed te suig. Dit brand soos vuur waar hy jou steek.)
n Flits loer agter my gietertjie uit.
Daar is gif spuitbotteltjies en plantgif.
‘n Houer met Trompie se haarborsels en sy wurmpille en vlooigif.
Dit dan alles teen en op my yskas.
Kreukels en plooie 
Lewer kommentaar