Die bure reg langs ons het twee varke. Nie net gewone varke nie maar “huge pigs”.
No 1 is die beer, en No 2 die sog.
Hul woon nie saam nie. No 1 is in ‘n kampie wat aan ons grens. Hy het darem ‘n soort van hok waarin hy kan rus as son te warm is of as dit te koud en nat is. Die buurman gaan vroeg soggens (so 4 am) of laat aand na die kettingwinkels om hul groen vars afval te kry. Die ruik natuurlik met tye vreeslik varkerig tot by ons ook. Veral as dit so baie nat, modderig en winderig is stink dit behoorlik.
No 2 wei egter die laaste tyd in die kamp oorkant waar No 1 bly.
Vanoggend toe ek terugkom van my stappie, wat sal ek sien?
No 1 kuier by No 2 in haar kamp. Hoe weet ek dit?
No 1 is swart met ‘n wit kraag terwyl No 2 geheel swart is. Dis toe die wit kraag van No 1 wat ek raaksien.
Een of ander tyd gaan ons varkies langsaan hê.
Gaan eers opsoek hoe lank varke dra:
Sôe kom elke 18-24 dae op hitte. Die dra periode is 112-120 dae.
Daar het ons dit nou! Oor so drie maande is daar varkies, bygesê as alles volgens plan verloop.
Kreukels en plooie 
Laat ‘n boodskap