Nuwe begin-nuwe plaasstorie

Uiteindelik weer ‘n begin 29/08/2022

Na ‘n tydperk van laaglê het ek vandag weer ‘n gevoel gekry om te wil skryf wat hier gebeur. Alles was die afgelope maande net te veel om te verwerk. Die aanpassing was moeilik en selfs amper te veel vir my gemoed. Gelukkig na ‘n ten ene laste dr besoek, aanbevelings en gerusstelling dat my liggaam gelukkig in ‘n goeie werkende toestand is,  is ek na ‘n arbeidsterapeut verwys. Vrydag het ek vir vierde keer gegaan en ons het besluit dat ek nou redelik op koers is om my geestelike deel ook beter te kan beheer. 

Ek het besluit om weer te begin boekhou van my daaglikse avonture hier op die plaas.

Vanoggend staan ek op en trek my venster se gordyne oop.

Dis ‘n gewerskaf vir Afrika hier voor my venster. ‘n Blackbird wyfie is besig, nie net besig nie , sommer ernstig besig. Ek voel en sien haar angs om haar nes klaar te bou. Sy is al ‘n hele tyd besig om stokkies en blaartjies bymekaar te maak. Vanoggend was sy werklik op ‘n missie uit om klaar te maak. Die nat weer het haar baie opgehou die afglope tyd. Vanoggend is dit koud maar droog. 

En raai waar bou sy nes? In ‘n bos hier reg voor my venster. Mens sien net takkies en blare roer soos sy vroetel om als wat sy aandra in te bring. Ek vermoed haar eierlê instink is nou so erg sy kannie meer hou nie.

https://nzbirdsonline.org.nz/species/eurasian-blackbird

Interessant hoe mens dinge agterkom as jy net bietjie verder kyk, en dink, as aan jou eie eng stukkie omgewing. Namiddae as ek en Bea hier sit en teken en verf sien ons elke laat namiddag eers meneer Blackbird in die kaal boompie sit. Hy skrop en krap sy vere reg terwyl hy sit en wag. Na ‘n rukkie vlieg hy weg en mevroutjie Blackbird kom sit in boompie. Sy vroetel, skut en krap ook haar vere en dan gaan sy grond toe vir ‘n wandeling in die tuin hier naby. Sy gaan los meneer af en hy kom sit weer ‘n ruk in die boompie. Na vyfuur is dit tyd dat ek aandete gaan maak en Bea moet huistoe gaan, waarvan sy natuurlik niks hou nie. 

“Maar Ouma kan Ouma se kos gaan warm maak en dan hier in die kamer kom eet.”

Ek wag dan meestal maar nog ‘n rukkie tot Pappa en Amelia tuiskom. Dan kan sy nie anders as om huistoe te gaan nie.

Eintlik het ek bietjie afgedwaal van wat ek eintlik wou deel. Ons het hier op die stuk grond ‘n dipgang want jare terug was als hier meer, veral, melkbeeste gewees waarmee geboer is. Die vorige eienaar het gevra of hy maar sy beeste hier kan kom dip sodra daar ‘n droë dag is wat toe nou vanoggend was. Hul het die, ek dink stuk of ses, jong beeste hier verby gejaag en hul gaan dip. Nadat die spulletjie klaar was begin dit toe weer saggies motreën. Die vorige eienaar het nog ‘n klomp jong beeste wat hy toe nie vandag kom dip het nie. Hy sal seker maar ‘n volgende dag as dit droog is weer kom.

In die tussentyd het ek my ook voorgeneem om weer daagliks te gaan stap. Van Trompie nie meer daar is nie het ek net nie behoefte daaraan om op my eie te loop nie. Hopelik gaan ek nou weer koers kry en my lope loop. Die reën is natuurlik ‘n maklike uitweg om nie te loop nie. Die weer behoort darem nou te begin droër wees en ook warmer.

Ek is ook besig om weer ‘n ses weke aanlyn kursus te doen om meer kleurvol te skryf. Dit laat my sommer weer lus voel om te skryf want die reaksie op wat ek skryf is heel positief en leersaam. Ons is hierdie week by week drie van die ses weke en moet nou “back story” invoeg waar dit nodig is. Wat lekker is is dat die terugvoer baie duidelik wys waar ek meer vleis om die gebeente van my storie kan skryf. 

Nou ja mense, alles is darem nog wel hier by my. Baie dankie aan al die vriende, kennis en besoekers wat hier lees en ook my ondersteun. Jul sal nie weet hoe ek dit waardeer dat jul omgee nie.

Groete van huis tot huis.


Posted

in

, , , ,

by

Tags:

Comments

24 reaksies op “Nuwe begin-nuwe plaasstorie”

  1. Dr Christa van Staden Avatar

    So lekker om te lees dat jy beter voel en dat jy aanpas by die nuwe huis. Geniet dit vriendin, die lewe is onmvoorspelbaar.

    Like

    1. scrapydo2.wordpress.com Avatar

      Onvoorspelbaar beslis. Ek gaan nou net positief bly.

      Like

  2. Lekkervurigeaffêre Avatar

    LIefste daar ver maat. Hoe bly is ek dat ek saam met jou na jou nuwe omte kan kyk. Dis daar by Mev Blackbird en haar nessie en die roering van die blare en in jou Bea se liefde dat mens weer koers kry en bly dankbaar vorentoe tree. Bly jy skryf en stap. Leer vir Bea só. Liefdegroete.

    Like

    1. scrapydo2.wordpress.com Avatar

      Dankie Lekkervurig. Die tydjies saam in die middag doen wondere vir ons beide.

      Like

  3. Una Avatar

    Dis heerlik om jou weer te sien skryf, Scrapy! Jy het ook nou nuwe vriendjies wat jy kan dophou deur jou venster.🤗

    Like

    1. scrapydo2.wordpress.com Avatar

      Gaan hul beslis dophou. Juis vanmiddag vir Bea vertel van die nesbouery. Sy is netso opgewonde.

      Like

  4. Tannie Frannie Avatar

    Nieu-Seeland se voëllewe is baie besonders. So bly jy skryf weer! Gabby en ek het ook gister ‘n heerlike innige tydjie saam deurgebring.

    Like

    1. scrapydo2.wordpress.com Avatar

      Dis goed om te hoor van jou lekker innige tydjie saam met Gabby. Hul kan baie vinnig afgeskeep voel.

      Liked by 1 person

      1. Tannie Frannie Avatar

        Dis baie waar, jy kyk fyn en ken kindertjies se harte.

        Like

        1. scrapydo2.wordpress.com Avatar

          Dis my aanvoeling en liefde vir diere wat maak dat ek so fyn die kinders ook kan opsom en verstaan.

          Liked by 1 person

  5. Aletta - nowathome Avatar

    So bly jy skryf weer Ineke! Kan dink dis ‘n groot aanpassing vir jou daar op die plaas. Mev Blackbird gaan jou beslis besig hou! Dalk kan jy ‘n lekker storie daaroor skryf en dit illustreer! Mooi bly vriendin!

    Like

    1. scrapydo2.wordpress.com Avatar

      Dankie Aletta, jy was nog heeltyd een van my “life lines”. Ek dink nogal daaraan. Die weer moet ou net begin beter word dat ek heerlik in vars lug kan werk. Ek hou mos van alle vensters en deure oop as ek binne moet wees.

      Like

      1. Aletta - nowathome Avatar

        Baie dankie Ineke, jy’s dierbaar. Ek kan ook nie wag vir beter weer nie. Die wind is ysig hier by ons!

        Liked by 1 person

  6. seegogga Avatar

    Ag heerlik om die voëltjie so dop te hou, en heerlik om die tydjies met jou kleinkind te hê. Ek is so bly jy voel beter. Om te verplant, is n groot aanpassing. Ek glo die skryf help baie. Moenie die skilder vergeet nie!

    Like

    1. scrapydo2.wordpress.com Avatar

      Dankie vir jou mooi woorde. Ek is bly dat my ingesteldheid nou bietjie weer rigting kry. Het juis vanmiddag saam Bea onkruid uitgetrek. Sy natuurlik speelspeel maar steeds baie besig met haar grafie gewees. Ons gesels natuurlik aanmekaar as ons so werk. Al die dingetjies gee my iets om oor te skryf. Die skilder wil nog nie heeltemaal vastrapplek kry nie maar dit sal kom.

      Liked by 1 person

  7. HesterLeyNel Avatar

    So bly om te hoor jy is weer aan die gang daar in die verte. Almal van ons belewe van tyd tot tyd so ‘n “stilstand” wanneer jy net niks lus is vir enigiets nie, maar dis altyd lekker om weer ‘n nuwe doel en strewe te hê. Laat dit goed gaan.

    Like

    1. scrapydo2.wordpress.com Avatar

      Dankie Hester, dis ‘n hele omwenteling in my lewe wat nog moet insink. Net bly ek hanteer dinge weer beter en soos ek gewoond is.

      Liked by 1 person

  8. Positief Avatar

    Jy gee my sulke moed vir die toekoms. Darem heerlik om te weet dat ander mense ook soms deur dieptes worstel, selfs beter om te hoor dat hulle weer aan die ander kant uitkom

    Like

    1. scrapydo2.wordpress.com Avatar

      Ja jong, mense om my bly vir my sê ek is sterk, maar ai, dis soms baie swaar om sterk wees voor te hou terwyl jy eintlik stukkend. Tog kom daar telkens weer uitkoms as mens oorgee aan die Here wat tog lief is vir mens en mens krag na kruis ook gee.

      Liked by 1 person

  9. daisyopdiestoep Avatar

    Bly om weer iets van jou te lees. Hoop dit gaan elke dag net beter en beter.

    Like

    1. scrapydo2.wordpress.com Avatar

      Dankie Daisy, ek hoop ek hou nou weer koers sodat ek weer in alles kom wat ek graag wil doen.

      Liked by 1 person

      1. daisyopdiestoep Avatar

        Ek is baie bly. Mooi bly.

        Liked by 1 person

  10.  Avatar
    Anoniem

    Hallo liefste tanna. Hoe gaan dit met tanna? hier nog goed dankie. Bly tanna in tanna se eie huisie want ek lees Bea moet huis toe gaan. Klink of tanna lekker bly. Mis tanna na al die jare nog net so baie. Mooi bly. Liefdetjies Adrie

    Like

    1. scrapydo2.wordpress.com Avatar

      Hallo Adrie, goed om te hoor als gaan nog goed by jou. My huisie is nog nie gebou nie maar ek bly reeds lekker hier in my eie kamer op die plaas. EK dink ook met verlange terug aan ons heerlike scrap-sessies. Mis jou geselsies ook baie.Bosse vol liefde.

      Like

Laat ‘n boodskap

Verskaf jou besonderhede hieronder of klik op ‘n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

%d bloggers like this: