Woordwarrel: Spelreëls

Spelreëls

https://af.wikipedia.org/wiki/Geskiedenis_van_Afrikaans

Interessant hoe sekere dinge of gebeurtenisse in mekaar/inmekaar? vloei om dieselfde onderwerp of doel te dek.

Die Woordwarrel inspirasie is: spelreëls

HesterLeyNel on 2021-12-10(Dis Ekke) administreer hierdie week se inspirasievonk.

Die afgelope week het my belangstelling in die skryf van kinderstories weer begin opvlam. Ek is deel, of behoort aan verskillende skryfgroepe, elk met hul eie unieke manier van hoe daar geskryf kan word of hoe die skryfwerk uitgelê kan word. Elke maand bied die platvorms zoom-sessies aan met bekende of ook nie so bekende maar tog suksesvolle skrywers aan. Die sessies is baie leersaam. 

Die kinderboek-groep het toe hierdie keer ‘n skrywer wat ‘n boek vir kinders oor spelling, spelreëls en waar dit ontstaan het geskryf. Dit gaan oor die spelling van woorde in die laat 1700 in Amerika. 

Beste van alles is hierdie week moet ons Spelreël gebruik en doen vir ons Woordwarrel!

As jy wiki gaan lees hoe Afrikaans ontstaan het kry jy insig in hoe moeilik dit is om werklik vaste reëls te stel. ‘n Taal is vloeibaar. Dit verander met tyd in stadiums van omstandighede of kultuur.

Afrikaans is volgens my reeds mooi uitgesorteer om redelik goed te kan werk. Daar is egter altyd invloede wat maak dat daar verander word. 

As oud-onderwyser hou ek steeds van ‘n suiwerder taal wat algemeen gebruik kan word. Tog is dit moelik om ‘n taal in ‘n “boksie”te sit en te verwag dat dit so sal bly. Veral in Suid Afrika met sy menigdom van tale en/of streke kan dit nie anders dat daar dialekte gevorm is nie.

Huidiglik is die probleem egter dat die taalgebruikers lui is om hul woorde te vorm. Daar word gesluk aan letters of ekstra letters ingesit om woorde mooier te laat klink of liewer om dit makliker te kan sê. Is dit werklik makliker? Ek twyfel.

Die digitale taal is egter vir my as Afrikaanssprekende ‘n euwel. G’n normale Afrikaanssprekende persoon kan daardie mengelmoes van letters en afkortings as Afrikaans aanvaar nie.  

  

Hierdie uitdaging is die laaste aflewering in hierdie reeks vir 2021. Ons gaan ‘n blaaskansie vat oor die feesdae en sal weer hervat in die 2de week van Januarie 2022.

Hierdie bloguitdaging word gesamentlik aangebied deur https://hesterleynel.co.za en https://lekkervurigeaffere.blog/.

Hoe dit werk:

Die aanbieders sal om die beurt elke Donderdag voor twaalfuur ‘n inspirasievonk in die vorm van ʼn spreuk, spreekwoord, gesegde, vreemde woord, of nuutskepping op haar blog plaas om die uitdaging af te skop.

Deelnemers word genooi om die vonk te gebruik en net eenvoudig te laat waai – gaan net daar waar die woordmuse en jou gedagtestrome jou lei in ’n malse maalkolk, in stroomversnellings, in stil waters of in ruisende valle, vlak of diep.

Daar is geen beperkinge op die tipe skryfsel wat jy wil pleeg nie. Skryf min woorde of baie, ‘n haikoe of enkelreël, opstel, gedig, resep of wat ook al die inspirasievonk losgeskop het in jou skrywersbrein.

Oopbek en loshande is die enigste reël.

  • Publiseer jou bydrae voor of op die Sondag wat volg op die datum van die uitnodiging.
  • Plaas die skakel van jou bydrae in die kommentaarblokkie (“comments section”) onderaan die blog waarin die inspirasievonk verskaf word om te verseker dat daar ‘n terugskakeling (“pingback”) na jou inskrywing sal wees wat deur ander lesers gevolg kan word.
  • Jy mag dit makliker vind om die twee aanbieders se blogs te volg om te verseker dat jy nie die inspirasievonk vir die week misloop nie.
  • Plaas gerus ‘n kopie van ons Woordwarrel-logo bo-aan of binne-in jou blog, sodat ander skrywers weet dat jou bydrae deel vorm van hierdie uitdaging.
  • Gebruik die hutsmerke #Woordwarrel #Afrikaans

Laat waai en geniet dit.

Deur scrapydo2.wordpress.com

Retired teacher interested in anything crafty: Scrap booking, card making, quilting, knitting etc. Everything about animals especially DOGS

7 comments

  1. Dit gaan darem beter, aan my kant tik mense woorde uit. Ek het BBM-taal verpes, as hulle letters uithaal om woord korter te maak. Almal wat ek ken, tik voluit en let op spelling. Iets wat my ook pla, is spelreëls wat verander word omdat mense nie spelreëls ken nie. Ver het nie ‘n kappie op nie, want daar is geen manier waarop mens die woord verkeerd kan uitspreek nie. Alhoewel skêr ook nie die kappie nodig het nie, is dit ‘n uitsondering om die woord nie van sy meervoud te vervreem nie. Tog word vêr tans aanvaar. Iets wat my dwars in die krop steek. Dalk moet kinders weer spelreëls geleer word? mens kan die goed nie self uitdink nie.

    Like

  2. Scrapy, ek stem oor die luilak skrywery op al wat media platform. Dis sommer ‘n groot irritasie en beduidend van verlaagde standaarde. Ek bly verstom om te hoor dat daar matrieks is wat hie kan lees of spel nie. Wat gebeur met kinders se 12 skooljare? Ons is gedril en het geleer.

    Like

  3. Ja, daar is deesdae ‘n taamlike vermenging van Afrikaans en ander inheemse tale en laat ons tog maar eerlik wees – sommige leenwoorde spreek net jou gevoelens soveel duideliker uit as wat jy dit in standaardafrikaans kan doen. Die taalpuriste sal seker my kop afruk as hulle hierdie stelling lees 😏 maar dis nie asof ons nie al baie lank woorde leen uit ander Europese tale nie. Ons kan net netsowel woorde leen hier uit ons eie omgewing.

    Like

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

%d bloggers like this: