Vandeesweek speel ons letterkeer. Letterkeer of anagram, en soms wisselvorm verduidelik Mielistronk op Wikipedia ” is ‘n woord of sin, gevorm uit die letters van ‘n ander woord of ‘n ander sin, maar in ‘n ander volgorde. Die opmaak van anagramme is ‘n gewilde woordspeletjie. Anagramme word ook dikwels as ‘n pseudoniem gebruik.”
Trolle spektakel
Drie Trolle drentel-stap die besige hedendaagse hoofstraat af.
Pappa Trol, Mamma Trol en Sussie Trol.
Dis Pappa Trol se taak om te waak teen die swak toestand van die pad. Sussie Trol spring rats. Dit werk toe nie, sy trap karplaks in die middel van ‘n swart oliepoel sodat mens net olie sien spat.
Mamma Trol is briesend, sy grom dat die gwel so spat. Pappa Trol skraap vir Sussie en trap die gat raak. Die olie tap van hom af. Dit vererg die wit waks uit Mamma Trol, sy kap na Pappa Trol met haar loop-tak. Sy raps hom. Hy spring betyds weg.
Oorkant die straat, naby die gat, sit ‘n Swaap van uit die Kaap. Hy verlekker hom in die toneeltjie voor hom.
“Hehe hehe, mar so olietjie kan spat! Djul lyk soes oliekoeke!”
Die drie Trolle storm.
Hy spring op en het skaars kans om met sy swaar tas weg te hol. Dit was so amper stamper of hy het pak gekry.
Hierdie bloguitdaging word gesamentlik aangebied deur https://hesterleynel.co.za en https://lekkervurigeaffere.blog/.
Hoe dit werk:
Die aanbieders sal om die beurt elke Donderdag voor twaalfuur ‘n inspirasievonk in die vorm van ʼn spreuk, spreekwoord, gesegde, vreemde woord, of nuutskepping op haar blog plaas om die uitdaging af te skop.
Deelnemers word genooi om die vonk te gebruik en net eenvoudig te laat waai – gaan net daar waar die woordmuse en jou gedagtestrome jou lei in ’n malse maalkolk, in stroomversnellings, in stil waters of in ruisende valle, vlak of diep.
Daar is geen beperkinge op die tipe skryfsel wat jy wil pleeg nie. Skryf min woorde of baie, ‘n haikoe of enkelreël, opstel, gedig, resep of wat ook al die inspirasievonk losgeskop het in jou skrywersbrein.
Oopbek en loshande is die enigste reël.
- Publiseer jou bydrae voor of op die Sondag wat volg op die datum van die uitnodiging.
- Plaas die skakel van jou bydrae in die kommentaarblokkie (“comments section”) onderaan die blog waarin die inspirasievonk verskaf word om te verseker dat daar ‘n terugskakeling (“pingback”) na jou inskrywing sal wees wat deur ander lesers gevolg kan word.
- Jy mag dit makliker vind om die twee aanbieders se blogs te volg om te verseker dat jy nie die inspirasievonk vir die week misloop nie.
- Plaas gerus ‘n kopie van ons Woordwarrel-logo bo-aan of binne-in jou blog, sodat ander skrywers weet dat jou bydrae deel vorm van hierdie uitdaging.
- Gebruik die hutsmerke #Woordwarrel #Afrikaans
Laai waai en geniet dit.
Die plasing Woordwarrel Inspirasievonk 18 November 2021 het eerste verskyn in die blog Lekkervurigeaffere. Gaan skakel jou #Woordwarrel in die kommentare.
Kreukels en plooie 
Laat ‘n boodskap