Maandag=Wasdag23: Roetine of geen roetine

Kom mense laat ons bietjie hoor,

Is jy ‘n roetine mens of nie?

Hierdie is ‘n plek waar ons lekker in Afrikaans kuier. As jy saam geskryf het kan jy beslis jou skakel in my kommentaar plak. Ek self sal daarvan hou om te lees wat jy skryf maar ander lesers sal ook beslis belangstel om te lees wat jy vertel.

Geniet dit want Afrikaans is ‘n pragtige taal en ook lekker om in te skryf.

Daaglikse roetine

Na meer as ‘n jaar se op en af in weke van dan in volle afsondering, halwe afsondering en amper geen afsondering nie, voel ek reg om weer in ‘n roetine te kom.

Ek is ongelukkig ‘n roetine mens. Hierdie ding van dan mag jy en dan mag jy nie frustreer my ongelooflik baie.

Dit is nou meer as ‘n jaar dat ek nie meer voorskool- en naskoolsorg doen nie.

Ek het vier jaar in ‘n roetine beweeg van:

opstaan, loop vinnig Trompie (dis nou my geliefde hond vir die wat my nie ken nie), gaan sluit skool oop en kyk na kinders wat vroeg afgelaai is. Huistoe. Loop lang lopie met Trompie en daarna verskillende daaglikse dinge. Terug skooltoe vir middag se kinders oppas. Huistoe. Loop Trompie. Maak aandete en kyk TV en dan slaaptyd.

Dit in ‘n neutedop my roetine gewees.

Toe spring Covid in en alles word omver gegooi. Toe ons weer kon gaan werk verlede jaar het ek besluit om op te hou met kinders oppas omdat dit vir my half gevaarlik was om my bloot te stel aan so baie mense. Ek is in die ouderdomsgroep wat telkens voorgehou word as mees kwesbaar vir die virus. 

Daar het heelwat verandering in my roetine gekom. Dit was nie nodig om so vroeg op te staan nie. Tog het ek steeds vroeg wakker geword en betyds opgestaan. Trompie geloop want ons mag steeds darem buite beweeg, weg van mense.

Verder deur die dag het ek maar hier gevat en daar gelos. Rusteloos in gemoed. Ek moet uitdagings hê om my besig te hou. Ek het begin skilder en aangegaan met skryf.

Funny Woman Work Home Stock Illustrations – 696 Funny Woman Work Home Stock  Illustrations, Vectors & Clipart - Dreamstime

Hierdie los en vas dinge doen irriteer my vreeslik. Gelukkig het my kinders vir my gevra om vir hul aandete voor te berei. Dis nou die tweede maand wat ek dit doen en geniet dit om so teen vieruur te begin sodat die kos teen vyfuur of half ses reg is om gehaal te word. Ek mag natuurlik vir paar weke nie persoon(my seun/skoondogter) in my bubble laat kom nie. Buite die deur en dit is dit.

Ek het selfs opgehou om my Afrikaanse skryfstuk te doen. Net bloot uit misrabelgeit. Nou het ek vanoggend besluit, genoeg is genoeg. 

Maandae gaan weer my Wasdag skryf wees. 

Dinsdae gaan ek weer my vriendin besoek bygesê as ons more af beweeg in vlak. 

Dan kan ek Woensdae aan my verfwerk aandag gee, dalk tot Vrydag. 

Tussentyd hou ek Donderdae vir inkopies doen. 

Ten laaste op Vrydae my skryfsessie in ons biblioteek- wat op oomblik nie gebeur nie omdat ons nie mag vergader nie. Slegs vyftig mense word op ‘n slag in bib toegelaat. Ai, as ek nou weer daaraan dink word ek sommer weer morbied. Ek mis my skryfsessie en die vriendinne wat saam skryf.

Goed, daar het jy dit nou, nou is dit jou beurt

Roetine of nie roetine nie.


Posted

in

, , , , ,

by

Comments

17 reaksies op “Maandag=Wasdag23: Roetine of geen roetine”

  1. Dr Christa van Staden Avatar

    Ek hou weer nie van roetine nie, het my kinders ook nie in ‘n roetine grootgemaak nie. Maar ek stem saam die in-erkings het ons lelik gekelder. Vereensaam. Van eie familie. En daaraan sou ek wou werk …

    Like

    1. scrapydo2.wordpress.com Avatar

      Nee wat roetine is belangrik vir my. Ek moet weet waar ek staan. Werk my maklik op as ek nie weet wat kom nie.

      Liked by 1 person

      1. Dr Christa van Staden Avatar

        Ek geniet dit weer om verras te word.

        Liked by 1 person

  2. seegogga Avatar

    Sjoe jy is georganiseerd! Nee, ek is glad nie n roetinemens nie

    Like

    1. scrapydo2.wordpress.com Avatar

      Dis nogal ‘n probleem om saam te leef mee, baie mense verstaan nie ek n raak gespanne as ek nie weet wat vir my wag nie.

      Like

  3. Tannie Frannie Avatar

    So bly jy doen weer die wasdag-ding! Gaan hard probeer om saam te skryf.

    Like

    1. scrapydo2.wordpress.com Avatar

      Mooi man. Jou lees van stuk en antwoord is al ‘n begin.

      Liked by 1 person

  4. Toortsie Avatar

    Ek hou nie regtig van roetine nie, tog het selfs ek ook ‘n sekere mate van roetine wat beslis 100 persent anders as ander s’n is.

    Like

    1. scrapydo2.wordpress.com Avatar

      My roetine is baie afgeskaal noudat ek my eie tyd het. TOg bly ek die horlosie dophou om te weet wanneer wat gedoen word.

      Liked by 1 person

  5. Aletta - nowathome Avatar

    Ek het nie veel van ‘n roetine nie, doen maar wat daar te doen is en dit kan ook net so maklik verander as manlief besluit dat ons iewers heen gaan ry. 😀

    Like

    1. scrapydo2.wordpress.com Avatar

      Dit is beslis ‘n invloed. Noudat ek al die jare op my eie is moet ek weet wanneer wat gebeur.

      Like

  6. Andrew Blair Avatar

    I like a rough routine so that I can accept sudden changes-that is I know what I will do from day to day but try not to allow the concrete to set.

    Like

    1. scrapydo2.wordpress.com Avatar

      Good explanation of allowing the concrete to set. I still want to know in advance if I’m going somewhere because I’m used to be dressed in home clothes which are not good enough to go out with.

      Liked by 1 person

      1. Andrew Blair Avatar

        I try to dress half and half so that I can throw on a tie or upgrade jeans to trousers without too much ado

        Like

        1. scrapydo2.wordpress.com Avatar

          True but you know how women are.

          Like

Laat ‘n boodskap

Verskaf jou besonderhede hieronder of klik op ‘n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

%d bloggers like this: