Die tyd vlieg verby. Tweede Maandag=Wasdag.
Almal wat van Afrikaans hou is welkom om saam te skryf. Ons skryf vir die lekker van skryf en Afrikaans as taal. Hierdie keer kyk ons bietjie terug na die jaar wat verby is. Het jy iets nuuts begin of gedoen of gemaak? Kom vertel daarvan en sit jou skakel hier in my kommentaar sodat almal kan lees en saam geniet.
Lekker skryf en geniet dit.
Iets Nuuts.
Die eerste wat ek gedurende die inperking “lock down” gedoen het was om aanlyn in te skryf oor hoe om ‘n kinder prenteboek te skryf. Dit was ‘n 21 dae kursus. Ek het dit vreeslik geniet. My eerste storietjie is geskryf en lyk heel belowend. Toe besluit ek dat dit onbetaalbaar duur is om ‘n illustreerder te gebruik. Die volgende blink idee kom op om self die illustrasies te doen. Mmmm, nog nie gewerk nie want ek is te haastig van aard. Ek doen navorsing. In ons biblioteek(wat ek in fase twee kon besoek) loop ek ‘n boek raak wat dertig lesse van 30 minute wys hoe om te teken. Daar word ek toe lekker gevang. Die teken gogga byt my toe behoorlik. Aanlyn is daar heelwat boeke wat wys hoe om te teken. Dieselfde ou van 30 minute vir 30 dae se teken het ‘n eboek ‘leer teken in 30 dae’. Wow, dit was ‘n fees om te doen terwyl ons in volle inperking was. Ek doen nog steeds elke dag ‘n bietjie tekenwerk. Daar is ook drie boeke oppad wat handel oor teken. Twee van dieselfde skrywer en nog ‘n algemene teken boek.
Ek moet eintlik byvoeg dat voor ek die boek in biblioteek ontdek het ek ingeskryf by n Drawing school, waarmee ek basies die begin van my sketswerk gedoen het. Daar het ek geleer om dinge in perspektief te sien.
Nou is dit jou beurt om te skryf oor iets nuuts wat jy onlangs aangepak of gedoen het.
‘n Paar voorbeelde:
Die volgende een het ek van ‘n foto gedoen. Ek het my geleerde tegnieke gebruik.
Die volgende persone het weer heerlik geskryf! Baie dankie julle is sterre.
DR. CHRISTA VAN STADEN https://christavanstaden.com/2021/01/04/bloguitdaging-geliefde-of-spesiale-klere/
Appeltjie https://appeltjie.wordpress.com/2021/01/04/maandagwasdag-1-21-geliefde-spesiale-klere/
Kameel https://kameel179438031.wordpress.com/2021/01/07/kameel-klere/
Kreukels en plooie 
Laat ‘n boodskap