Maandag=Wasdag 36: Hoor en sien.

Sjoe, ek is skoon uitgeskryf! My gô is omternt opgeskryf.

Gelukkig het ek verlede Woensdag ‘n lekker stuk gevind wat ek hier gaan deel en gebruik vir vandeesweek se Wasdag. Ek het sommer die woorde ook by my telling vir NaNoWriMo getel, was n ekstra 570 woorde.

Dinsdag skryf Tannie Frannie oor “Wat hoor jy en wat sien”jy. Gaan lees gerus hier https://frandr.wordpress.com/2020/11/24/wat-hoor-jy-en-wat-sien-jy/

Dit het toe nou aanleiding gegee dat ek Woensdag skryf oor wat ek hoor en sien.

Ek daag jou uit om te skryf oor wat jy op ‘n sekere oomblik hoor en sien rondom jou. My vermoede is dat geen twee dieselfde gaan hoor en sien nie.

Kom mense laat ons skryf en dit nogal in Afrikaans.

Wat hoor jy/ek en wat sien jy/ek?

Tannie Frannie skryf oor haar mentor waaraan sy haar nie veel gesteur het as jongmens nie. Sy onthou dat hy altyd gevra het: “Wat hoor jy en wat sien jy?”

Dit het my laat besluit om gou daaroor te skryf want vandag is ‘n regte binne bly dag.

Ten eerste het ek wakker geword met reën wat op die dak val. Gelukkig het ek ‘n sink dak en kan goed hoor as dit reën. My vorige blyplek het teëls gehad en mens kon nie regtig die reën hoor nie.

Ek het rustig omgedraai want Trompie het nog lekker diep gelê en asemhaal; so hy was nog nie van plan om op te staan nie. ‘n  Uur later word ek wakker en ek draai sowaar om en lê maklik nog n halfuur langer.

Baie ongewoon vir my.

Ek hoor dat dit steeds reën. Ek maak gordyne oop en dis sommer so vaal van die reën. Daar word nog heelwat meer reën verwag vandag en ook more. 

Ek is lui om te gaan stort en aan te trek. My hele oggend is nou deurmekaar. Sit die ketel aan en ek hoor dat die water wil begin kook. 

Ek laat Trompie uit, wat hy natuurlik nie regtig wil doen nie want dis te nat. Ek gee hom toe maar eers sy kos. Elke dag as ek sy kos uit die blikkie skep in sy kosbak staan en wag hy vir my. Ek klop meestal die lepel aan die kant van sy bakkie af met ‘n geklingel. Dan kom hy vinnig nader want hy weet hy gaan nou eers die lepel aflêk voordat hy kan inklim met sy ontbyt. Die bak word spiksplinter skoon gelêk. Nou probeer ek weer die “uitlaat” deel. Daar is twee black birds wat op die gras wip en goggas soek. Elke nou en dan vlieg hul op na n ander plekkie. Dit gaan meestal ook met n waarskuwings piepery want hul moet altyd reg wees vir ‘n kat wat hul wil vang. Trompie staan die storie en kyk en wil net weer vinnig terug ingaan. Ek moedig hom aan deur te sê: “Waar’s die k-a-t-s?” Hy sal dan sommer vinnig op aandag spring en rond kyk. Moenie glo hy gaan uit om sy ding te doen nie. Ek: “KATZZ” skielik weer en hy vlieg met spoed daar weg, om die huis.

Ek gryp gou die handdoek want nou gaan hy nat wees. Hy kom met n ekstra spoed terug. Ek droog hom af, nou kan ek my tee maak. Ek eet toe my pap, iets wat ek nooit doen voordat ek nie gestort en aangetrek het nie.

Nee wat vandag is beslis ‘n anderse dag. Ek sit nou by my tafel en tik my stuk. As ek op kyk, kyk ek by die venster uit. Dis grys van die toegetrekte lug. Dit reën steeds en ek hoor en sien die reën op die oomblik. Daar is ook ‘n wind wat waai. Die bome hier voor my roer en draai gedurig.

Iets wat ek ook nog van hier van my sitplek af sien is die bure se kers-versiersels. Hul versier die tuin elke jaar met allerhande boompies, liggies en kersfees goedjies.

Dit dan wat ek vandag hoor en sien. O ja, ek het vergeet, my radio is ook altyd aan op ‘n stasie wat hele dag meer musiek speel as om besprekings te hê. Dit kalmeer my ook heerlik tussen al die daaglikse geluide.

Net Kameel het vorige keer oor kinders en hul tantrums geskryf

https://kameel179438031.wordpress.com/2020/11/18/kameel-die-kind/

Baie dankie Kameel jy is my uitstaande ondersteuner.


Posted

in

, , ,

by

Tags:

Comments

26 reaksies op “Maandag=Wasdag 36: Hoor en sien.”

  1. Kameel Avatar

    Daardie groen heining lyk heel vrolik. Hoe lekker om teën op ‘n sinkdak te hoor… dis mos hoe dit hoort!!

    Like

    1. scrapydo2.wordpress.com Avatar

      Dis wat ek ook sê. Mens moet dit hoor op die dak. Dit reën nog steeds en hul verwag nog erge reën. Daar is ook verspoelings en grondstortings aan anderkant van heuwels. 50 huise is onbewoonbaar gelaat en daar kom vanmiddag nog weer baie reën. Wens ek kon helfte vir julle stuur.

      Liked by 1 person

      1. Kameel Avatar

        Stuur dit per pos!!!

        Like

        1. scrapydo2.wordpress.com Avatar

          Mmmm, ou Elon sal sukkel om sy vuurpyl hier te kry. Sal maar plaaslike pos moet gebruik. OP oomblik waarsku hul dat vliegtuie ook nie hier in Wellington kan land weens die woeste wind ook more.

          Liked by 1 person

          1. Kameel Avatar

            Wat op aarde gaan aan met ons wêreld!!!!

            Like

            1. scrapydo2.wordpress.com Avatar

              Kan ook net my kop skud in ongeloof van al die veranderinge.

              Liked by 1 person

  2. Tannie Frannie Avatar

    Op sulke grou dae moet ‘n mens kophou, anders gaan Vuurvliegie se bloubekruip ‘n mens beetkry. Dankie dat jy my mentor se vraag verder vat – ek het so gehoop dit sou gebeur!

    Like

    1. scrapydo2.wordpress.com Avatar

      Ja jong, daardie grysheid en nat en koud maak mens se bloubekruip lekker wakker. Moet self ook maar hom n skop gee by deur uit op oomblik. Daardie sien en hoor wat om jou aangaan is baie belangrik om jou gedagtes in toom te hou om nie van die paadjie af te dwaal nie. Skryf is beslis een van die rigtinghouers en dan die luister en sien ook.

      Liked by 1 person

      1. Tannie Frannie Avatar

        Dis iets wat my mammie my geleer het: om weg te kyk van jouself af. Dit werk altyd!

        Like

        1. scrapydo2.wordpress.com Avatar

          Mmmm, ek het dit nou eers werklik aangeleer met die alleenwees hier in die vreemde. Ek was altyd heel oplettend met wat om my aangaan maar om daaroor te praat het ek nie gedoen nie. Het baie gegroei wat dit aan betref, met die bloggery saam.

          Liked by 1 person

  3. appeltjie Avatar

    Ek kon nie vorige keer deelneem nie {kinders en werk) , maar hierdie een gaan ek doen.

    Like

    1. scrapydo2.wordpress.com Avatar

      Is reg so, jy doen waar jy kan en kans voor het. Ek prikkel maar net bietjie die gedagtes.

      Like

      1. appeltjie Avatar

        Ek kan nie wag vir die volgende een nie

        Like

        1. scrapydo2.wordpress.com Avatar

          Ek sukkel nog om te dink waaroor om te skryf. Het jy nie dalkies n voorstel nie?

          Like

          1. appeltjie Avatar

            “teen my yskas.” Ek het ‘n verskeidenheid prente, foto’s, herinnerings, lysies teen my yskas. elkeen kan ‘n storie vertel.

            Like

            1. scrapydo2.wordpress.com Avatar

              Aha dit klink na n goeie een. Sal hom bietjie gebruik. Baie dankie.

              Liked by 1 person

  4. appeltjie Avatar

    Ek het n katjie gehad wat nie op nat gras wou loop nie. Toilet toe gaan tyd in reentyd was n probleem want sy het n katboks se sand geskrop tot wie weet waar

    Like

    1. scrapydo2.wordpress.com Avatar

      Ja-nee veral katte hou nie van nat voetjies nie. Ek sien mens kry nou n sandbak wat toe is en kat gaan by n deurtjie in en uit. Mia die kat wat ek nou en dan oppas het so een. Trompie is nie te erg met reën nie. Dit moet net nie baie hard reën want dan wil hy onder die bosse inkruip as ons loop om uit reën te kom. Hy het ook n reënjas as dit regtig reën. Net sy kop en pote word dan nat.

      Like

      1. appeltjie Avatar

        Ek sal graag daai kattereenjassie eil sien. Cute

        Like

        1. scrapydo2.wordpress.com Avatar

          Dis n hondereënjas. Hy het sommer twee omdat dit so baie reën hier in die winter. Die jas is binne nog met flennie uitgevoer vir warmte ook.

          Like

  5. […] Scrapy het hierdie uitdaging geplaas. […]

    Like

  6. Una Avatar

    Dit bly maar net die lekkerste lekker om in die bed te kan bly lê as dit so reën.🤗

    Like

    1. scrapydo2.wordpress.com Avatar

      Die aan die slaap raak met die reën wat so val is heerlik. Ons het toe vreeslik baie reën gehad die week.

      Like

  7. Kameel – Wat sien en hoor – Kameel se gebabbel Avatar

    […] Scrapy se Maandaģ = wasdag Uitdaging 36 […]

    Like

    1. scrapydo2.wordpress.com Avatar

      Dankie, klaar gelees ook.

      Liked by 1 person

Laat ‘n boodskap

Verskaf jou besonderhede hieronder of klik op ‘n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

%d bloggers like this: